Babaylan Tata Adlaw

Good pm, Tata Adlaw!

Ibalita ko lang po na may mabuting pangyayaring naganap sa amin ng asawa ko bago siya umalis. Hiniwalayan at pinutol na po niya ang anumang namamagitan sa kanila ng kabit niya sa Abu Dhabi. Nakiusap din po siya na huwag ko nang ituloy ang pagbabalak kong magsampa ng kaso dahil natauhan na raw siya at na-realize niya ang mga bagay-bagay, lalo na pagdating sa pamilya namin.

Ang sabi po niya, mas binibigyan niya na ng oras at atensyon ang pamilya niya dahil alam naman daw po niyang walang magandang maidudulot ang relasyon niya sa kabit niya sa anak at pamilya namin. Aminado po kaming pareho na mahirap ibalik ang pagsasama namin bilang mag-asawa tulad ng dati dahil pareho kaming nasaktan at nagkaroon ng trust issues. Pero willing kaming pareho na i-work out ang sarili namin para na rin po sa anak at pamilya namin. One step at a time, sabi daw po niya.

Napakabilis po ng mga pangyayari, Tata. Nagkausap po kami nang maayos, at in a blink of an eye, bigla niyang binago ang lahat pagkatapos ng confrontation namin noong isang gabi. Ako rin po kasi ay desidido na talagang ituloy ang pagsasampa ng kaso dahil wala na po akong respeto sa kanya. Pero gumawa si Lord ng paraan para mabuksan ko ang phone niya at makakuha ng ebidensya, at malaman ko ang lahat-lahat. Dahil na rin po sa inyo at sa pananalig ko kay Lord, lumakas ang loob ko.

Tata, tama ba na palampasin ko na ito? Wala na po ba akong action na dapat gawin? Nangangamba po ako dahil magkalapit lang sila sa Abu Dhabi. Siguro dala na rin po ng hirap, natatakot akong magtiwala ulit. Natatakot pa rin po ako, Tata.

---

MAGBASA NG IBANG REVIEWS