Dahil marami nang Tarot readers ngayon, normal lang na subukan mo muna ang iba’t ibang reader para makita kung sino ang bagay sa iyo. Kung hindi ka pa rin sigurado kung tama ang napili mong reader, narito ang ilang bagay na dapat mong bantayan.
1. Cold Reading
Nangyayari ang cold reading kapag umaasa ang reader sa sagot mo habang nagtatanong. Dapat munang magbasa bago magtanong para maiwasan ang mga biased na readings.
2. Malabo o Magulong Reading
Kung may sinabi ang reader na hindi malinaw o hindi tugma, huwag mag-atubiling magtanong para linawin ito. Ang maayos na reader ay hindi nagagalit kapag humihingi ka ng paliwanag.
3. Pananakot
Ang ethical na Tarot reader ay hindi nananakot para pilitin kang bumili ng charms o magpagawa ng ritual. Kung pinipilit ka, hinaharass, o tinatakot ka para gumastos, hindi iyon ang tamang paraan ng pagbibigay ng gabay.
4. Paninisi
May ambag tayo sa mga nangyayari sa buhay natin, pero hindi tama kung ipaparamdam ng reader na lahat ay kasalanan mo. Ang layunin ng pagbabasa ay magbigay ng linaw, gabay, at kapayapaan ng isip.
5. Problema lang ang binabanggit
Hindi sapat na matukoy lang ng mambabasa ang problema. Dapat may paliwanag o posibleng hakbang na makakatulong sa iyo.
6. Mas Maraming Mali Kaysa Tama
Nangyayari talaga ito, lalo na kapag hindi maganda ang pakiramdam ng mambabasa. Kaya bago ka magpabasa, siguraduhing nasa maayos na kalagayan ito.
BASAHIN: Totoo ba ang Tarot Reading o Hula Lang?
Higit sa lahat, kung pagkatapos ng session ay mas lalo kang nalito, nabahala, o nabigatan sa halip na magkaroon ng linaw sa iyong sitwasyon, malinaw na hindi siya ang tamang Tarot reader para sa iyo.
Leave a Reply